Dani, ƙabila ce da ke tsakiyar tsaunukan Yammacin New Guinea a cikin ƙwarin Baliem Valley, Highland Papua, na Ƙasar Indonisiya.
Wani ɗanƙabilar Dani. |Hoto: Pulse
Kusan mutane 100,000 suke zaune a cikin kwarin Baliem, wadda ya ƙunshi wakilan ƙabilun Dani.
Wasu ƴan ƙabilar Dani, a yayin gudanar da bukukuwan al’ada. |Hoto: Pulse
Har ila yau, an san su da al’adu iri daban-daban ciki har da wadda ke da ban mamaki; Al’adar Yanke Yatsa.
Al’ummar ƙabilar Dani, su na shagalin bikin al’ada. |Hoto: Pulse
Yanke Yatsa, al’ada ce da aka saba yi a cikin ƙabilar Dani wadda suke yi don bayyana raɗaɗin baƙin ciki a yayin da aka rasa masoyi ko ɗan’uwa.
Wata Mata ƴar ƙabilar Dani |Hoto: Pulse
Wani daga cikin ahalin wannan dangi dole zai yanke Yatsa sannan a ƙone, ta zama toka don adana ta a wuri na musamman.
Wani hannu wadda aka yanke yatsunsa. |Hoto: Pulse
Bugu da ƙari, su na Yanke ɗaya ko fiye na yatsunsu a matsayin alamar baƙin ciki. Sun yi amannar cewar, yin hakan zai kawar da mugayen ruhohi da taimakawa ran mamaci ya samu sururi a Lahira.
Wata Bazawara wacce ta rasa mijinta, a yayin da ta yanke yatsunta saboda nuna alhini da tsantsar ƙauna. |Hoto: Pulse
